Entrar aos Vilares foi seleccionado para a 42 Semana de Cine de Lugo
![entrar aos vilares](https://terrachaxa.com/wp-content/uploads/2021/06/entrar-aos-vilares.jpg)
Entrar aos Vilares, o documental que acompaña en DVD ao libro Lareira de soños de Pastora Veres (Edicións Fervenza), participará da 42 semana de cine de Lugo organizada polo grupo cinematográfico Fonmiñá.
O filme, foi dirixido por Cibrán Tenreiro coa colaboración de Toni González e Xacobe González e foi finalista tamén da 12MICE Mostra Internacional de Cinema Etnográfico en tres categorías.
Si o libro de Pas Veres se adentra na parroquia de Díaz Castro dende a perspectiva dunha indíxena coñecedora do lugar, o documental complementa o libro dende a visión de tres rapaces que nin naceron no rural nin coñecen o lugar, entran aos Vilares dende unha visión novidosa e honesta tentando coñecela da man dos propios veciños dos Vilares.
Tanto o traballo de Pastora Veres (libro) como o de Cibrán Tenreiro (audiovisual) son unha importante e orixinal aportación á antropoloxía da parroquia chairega do poeta Díaz Castro que poderán disfrutar na Semana de cine de Lugo á volta do verán, participación que nos enche de orgullo.
Entrar aos Vilares foi proxectada dende a súa estrea na igrexa dos Vilares en máis de 60 lugares de Galiza. O proxecto Os Vilares, lareira de soños prepara xa outra publicación sobre o fotógrafo ambulante José Lobeiras (o Armeiro de Berulfe) e un novo documental.
![entraraosvilares](https://terrachaxa.com/wp-content/uploads/thumbs/2018/06/entraraosvilares-200x283.jpg)