Entregados os premios dos certames de debuxo e caligramas de San Matiño de Pino
TerraChaXa
A Asociación Recreativa Cultural de San Martiño de Pino fixo entrega dos premios dos certames de debuxo infantil e caligramas.
23 Nov 2021
A Asociación Recreativa Cultural de San Martiño de Pino fixo entrega dos premios do I Certame de Debuxo Infantil A túa Caldaloba e o I Certame de Caligramas Constanza de Castro, ambos convocados en colaboración con Culturalia GZ e Caldaloba.es co fin de reivindicar a relevancia histórica e cultural da torre.
No I Certame de Caligramas Constanza de Castro o primeiro premio foi para O tempo de eurizo tamén pasa, de Andreia Costas Otero (Redondela) e o segundo para Bromio, de Constanza Garabatos Funes (Vigo).
No Certame de Debuxo Infantil a Túa Caldaloba a máxima distinción foi para Zaia Díaz Castro (Pino) e o segundo para Noelia Méndez Piñeiro, tamén de Pino.