Éxito da campaña de doazón de sangue nas Pontes

En total, a Axencia de Doazón de Órganos e Sangue recolleu 41 doazóns no municipio na campaña de verán

A pasada semana, a Axencia de Doazón de Órganos e Sangue achegouse ata As Pontes coa súa unidade móbil para desenvolver a campaña especial de verán. Durante esta iniciativa lográronse un total de 41 doazóns de sangue.

Estas participacións teñen un impacto directo na atención sanitaria: os glóbulos vermellos recadados permitirán realizar 20 intervencións cirúrxicas, o plasma obterase para 4 transplantes de órganos e as plaquetas contribuirán a 8 tratamentos oncolóxicos.

O Concello de As Pontes e a Axencia agradecen a solidariedade de todas as persoas que participaron nesta campaña, fundamental para apoiar a saúde da comunidade.