Fanoi prepárase para celebrar as súas festas na honra á Virxe dos Milagres
A parroquia de Fanoi, no concello de Abadín, celebrará esta fin de semana as tradicionais festas na honra á Virxe dos Milagres. O evento contará cun amplo programa relixioso e musical, organizado coa colaboración de Espectáculos Miño.
O sábado 24 de maio terá lugar a misa solemne ás 13:30 horas, seguida da tradicional procesión e dunha sesión vermú amenizada pola orquestra Pontevedra. Pola noite, a verbena continuará coa actuación das formacións Pontevedra e Dilema, garantindo unha xornada de festa para veciñanza e visitantes.
O domingo 25 repetirá o formato: misa ás 13:30 horas, procesión e sesión vermú, esta vez a cargo do grupo La Hora Bruja, que tamén será protagonista na verbena nocturna.
As festas celebraranse nun campo cuberto con carpa, o que asegura o bo desenvolvemento das actividades, mesmo en caso de mal tempo.