Fomniñá, na Pastoriza, remata o verán coas festas
A parroquia de Fonmiñá, no concello da Pastoriza, celebrará esta fin de semana as súas festas na honra á Virxe da Portería cun programa no que non faltarán os actos relixiosos e a música.
O sábado 30, a xornada dará comezo cunha misa solemne ás 13:30 horas, seguida da procesión e dunha sesión vermú a cargo da orquestra Los Españoles. Pola noite, a partir das 22:30 horas, a mesma formación ofrecerá a verbena, que contará tamén coa presenza da cantante Judith Cundis.
O domingo 31 terá lugar unha nova misa solemne, nesta ocasión ás 14:00 horas, que estará acompañada da tradicional procesión e dunha sesión vermú animada polo grupo Fénix.
Todos os actos desenvolveranse baixo carpa, garantindo así a celebración independentemente das condicións meteorolóxicas.