Fonmiñá celebra a fin de semana as súas festas

Actuarán Acordes, dúo Venus e Alba

A localidade de Fonmiñá, na Pastoriza, celebra esta fin de semana as súas grandes festas na honra á Virxe da Portería.

Os actos iniciaranse o sábado ás 13.00 horas cunha misa solemne, á que seguirá unha procesión e a correspondente sesión vermú, que estará a cargo da orquestra Acordes. Xa pola noite volverán a actuar xunto ao dúo Venus na verbena.

O domingo haberá misa de novo ás 13.00 horas con procesión e a sesión vermú do grupo Alba porá o punto e final ás festas.