Friol acolle un mercado medieval feito por pequenos en San Paio de Narla
TerraChaXa
O Museo friolense de San Paio de Narla acollerá mañá, venres 20 de agosto, Mercanarla, un mercado medieval realizado por pequenos.
19 Ago 2021
O Museo friolense de San Paio de Narla acollerá mañá, venres 20 de agosto, Mercanarla, un mercado medieval ambientado, decorado e confeccionado polo grupo de pequenos que participaron nas actividades organizadas pola Rede Museística Provincial de Lugo neste centro durante este mes.
Nesta cita, que se desenvolverá entre as 17.00 e as 20 horas, os asistentes poderán desfrutar de música, cerámica, perfumes, tintes, cestería, marmeladas, xabóns e moitos outros produtos.
