Friol acollerá a presentación da nova guía turística do Xeodestino Comarca de Lugo e Terras da Ulloa
O vindeiro xoves, 24 de outubro, ás 11:00 horas, terá lugar a presentación oficial da guía turística do Xeodestino Comarca de Lugo e Terras da Ulloa no Centro Colaborativo de Friol (Rúa Deputación, 14). Este evento está dirixido tanto ao sector turístico como á poboación en xeral, co obxectivo de dar a coñecer os principais recursos e atractivos turísticos da zona.
Durante o acto, explicarase o contido desta nova guía, elaborada especialmente para destacar o potencial turístico do territorio. Os interesados en asistir poden confirmar a súa participación chamando ao 982 238 000 ou enviando un correo a info@comarcadelugo.gal.
Esta iniciativa busca impulsar o turismo local e promover as riquezas culturais e naturais da Comarca de Lugo e as Terras da Ulloa.