Friol celebra a súa Festa da Xuventude o vindeiro 25 de agosto
![Portada fessta xuventude Friol](https://terrachaxa.com/wp-content/uploads/2023/08/Portada-fessta-xuventude-Friol.jpg)
Friol acolle o vindeiro venres 25 de agosto a Festa da Xuventude.
A velada dará comezo ás 21.00 horas cunha gran churrascada e pancetada no Parque Rosalía de Castro, con pan e bebida.
A continuacón, sobre as 00.00 dará comezo a verbena, na praza Andón Cebreiro, a cargo do grupo Claxxon e a orquestra Player´s, que actuarán ata ben entrada a madrugada.
O alcalde, José Angel Santos, espera a “asistencia e participación da xente moza do pobo en este día tan especial e desexa que desfruten dunha tarde e noite festiva e divertida para toda a xuventude do municipio de Friol”.
O rexedor indica que “esta festa celébrase para a xente moza de Friol, principalmente, aínda que as portas están abertas para todos os veciños e veciñas que queiran achegarse ata a festa ese día, e para calquera persoa que queira visitarnos”.
![Festa xuventude Friol](https://terrachaxa.com/wp-content/uploads/thumbs/2023/08/Festa-xuventude-Friol-200x282.jpeg)