Friol prepara a súa Festa de Reis con inchables, xogos e sorteos
![reis magos friol nadal covid](https://terrachaxa.com/wp-content/uploads/2021/12/reis-magos-friol-nadal-covid.jpg)
O Concello de Friol organiza a súa tradicional Festa de Reis un ano máis para todos os nenos e nenas do municipio e para as súas familias. Os máis cativos poderán gozar da cita que se celebrará, como vén sendo habitual, no pavillón municipal o día 5 de xaneiro.
Poderán asistir os nenos e nenas que recibiran nas súas casas a entrada para o festexo, que comezará ás 17.00 horas. Cada unhas das entradas están personalizadas e levan un número grazas ao cal poderán participar nun sorteo de numerosos agasallos que se realizará esa mesma xornada, polo que deberán levar o tícket.
Durante a festa poderán entregar aos Reis Magos as cartas que escribiron para eles. Ademais, tamén poderán gozar de inchables, xogos, entrega de diplomas dos obradoiros de Nadal e poderán desgustar un chocolate con biscoito.
Esta proposta responde ao obxectivo do Concello que pretende que as familias volvan “desfrutar dunha xornada máxica e especial para os nenos e nenas de Friol, que tanto desfrutan desta Festa de Reis”, di Jose Ángel Santos, alcalde de Friol.
![festa reis friol](https://terrachaxa.com/wp-content/uploads/thumbs/2023/12/festa-reis-friol-200x282.jpg)