Goá celebra as festas de San Xorxe cunha fin de semana chea de música e tradición
A localidade de Goá, no concello de Cospeito, prepárase para celebrar por todo o alto as súas tradicionais festas na honra a San Xorxe os días 19 e 20 de abril de 2025. O programa, organizado coa colaboración do Concello de Cospeito e numerosos negocios locais, inclúe música en directo, sesións vermú e actos relixiosos, todo baixo carpa cuberta para garantir a festa independentemente do tempo.
O sábado 19 de abril, as celebracións comezarán ás 14:00 horas cunha sesión vermú amenizada polo Grupo Fénix, que tamén será protagonista da gran verbena nocturna xunto coa popular orquestra Olympus, dúas formacións moi recoñecidas no panorama musical galego.
O domingo 20, os actos comezarán cunha misa solemne e procesión en honra a San Xorxe ás 13:30 horas, seguida dunha nova sesión vermú a cargo do grupo Zona Zero, que porá o toque festivo ao día grande da parroquia.
As festas contarán cunha carpa cuberta, ofrecendo comodidade e abrigo para todos os asistentes, e reunirá veciños, veciñas e visitantes nun ambiente de celebración e tradición.