Guitiriz acolle un obradoiro de hábitos saudables o 10 de abril
A Escola Habanera do Concello de Guitiriz acollerá un obradoiro de hábitos saudables e estimulación cognitiva o xoves 10 de abril. Trátase dunha actividade impartida por Fademur Galicia que conta coa colaboración do Concello de Guitiriz e que está subvencionada pola Deputación de Lugo.
A actividade celebrarase de 10:00 a 12:00 horas e está destinada a mulleres, aínda que é aberta a un público xeral. Ten como obxectivo estimular, manter e/ou mellorar as funcións mentais e cognitivas a través de determinados exercicios desde unha perspectiva lúdica.
As persoas interesadas poderán anotarse de xeito presencial no Concello ou chamando ao 982 37 01 09 antes do día 8 de abril. As inscricións son de balde e serán precisas un mínimo de 15 persoas para que se poida realizar a actividade.
Para máis información, pódese escribir un correo electrónico a info@fademurgalicia.es ou chamar por teléfono ao 604 091 264.