Guitiriz acollerá o día 11 o XIX Rally Rías Altas Clásico
A Escudería Centollo da Coruña abriu o plazo de inscripción para o XIX Rally Rías Altas Clásico que se celebrará o día 11 de novembro en Guitiriz.
O evento non deportivo consiste nun percorrido para vehículos históricos cunha velocidade media inferior a 50 Km/h., cunha quilometraxe aproximada de 140 Km., desenvolvéndose por estradas abertas ao tráfico, nas que os participantes terán que respectar en todo momento as normas de circulación.
Os vehículos participantes sairán cun intervalo entre eles, tratando de evitar no posible a formación de caravanas durante o percorrido.
Todos aqueles que queiran inscribirse anticipadamente deberán mandar os seus datos cubertos na folla de inscrición antes do 5 de novembro, realizando ao tempo o ingreso dos dereitos de inscrición. Este é de 140 euros para socios da escudería; 160 para membros doutras escuderías galegas e de 180 para o resto. Ademais, haberá un suplemento de 50 euros para os que asistan á cea.
Poderán participar, aqueles vehículos de carácter clásico con 30 anos de antigüidade no momento da celebración do evento, sempre que cumpran as leis e normas de tráfico vixentes en España.
A sesión dará comezo ás 14.00 horas coas verificicións técnicas, que se levarán a cabo no bar O Korreo de Guitiriz. Logo do breafing, está prevista a saída do primeiro participante ás 16.00 horas e a entrega de premios para as 21.00 horas.
