Guitiriz recupera as festas de San Xoán dende o mércores
![san xoan guitiriz_portada](https://terrachaxa.com/wp-content/uploads/2021/06/san-xoan-guitiriz_portada.jpg)
Guitiriz volverá este ano a ter San Xoán, aínda que con restricións a protocolos covid, pero celebrará o San Xoán entre o 23 ao 27 deste mes, organizado pola asociación Ecce Homo, que organiza uns festexos que se sufragarán cunha achega de 21.000 euros que aporta a comunidade de montes de San Xoán.
As festas comezarán na noite de San Xoán cunha degustación gratuíta de sardiñas, que dará comezo ás 20.30 horas, aínda que non haberá fogueira.
O 24, xoves, festivo local, comezará o día cos pasacalles de A charanga Bicoia de Ourense e o grupo tradicional local Sons de Aldea, que tocará todos os días. O prato forte será a actuación da orquestra Costa Dourada, ás 14.30 en sesión vermú e repetirá ás 21.00 horas.
O venres tamén haberá pasarrúas pero coa charanga local Os Trileiros. Será a xornada da festa infantil, con Brincadeira a partir das 16.30 horas no Campo da Feira. O apartado musical correrá a cargo do trío Jaque de Ferrol (22.00 horas).
Na xornada do sábado Amigos da Música actuará na sesión vermú coa verbena a cargo de Arizona. O domingo, será o grupo de gaitas do Concello o se que ocupe da animación musical ao mediodía e a orquestra Galilea da da noite, poñendo fin a unhas patronais nas que se lembra a necesidade de respectar distancias de seguridade e outras normas de protección fronte á covid.
Haberá sesión de pirotecnia de Rocha Areas ás 14.00 horas, que se repetirá todas as xornadas.
A misa será ás 13.00 horas, os días 24, 25 e 27.
![san xoan guitiriz](https://terrachaxa.com/wp-content/uploads/thumbs/2021/06/san-xoan-guitiriz-200x412.jpg)