Hoxe comezan as festas no lugar de Xemil, na Pastoriza
A localidade de Xemil, en Bretoña, A Pastoriza, celebra esta fin de semana as súas patronais na honra a San Antón.
Estas terán o seu inicio hoxe, sábado, ás 13.30 horas cunha misa e procesión seguidas da tradicional sesión vermú, que estará a cargo do trío Carpedien. Este mesmo grupo será o encargado da verbena xunto ao dúo Maracaibo.
O domingo haberá festa tamén con sesión vermú a partir das 14.00 horas da que se encargará o dúo Venus.
A organización lembra que o campo da festa estará cuberto con carpa.
Na Pastoriza tamén hai festa na localidade da Regueira. Estas comezaron onte coa festa da Xuventude con disco móbil pola noite. Hoxe sábado, a música estará tamén ao cargo de Galaxia en sesión vermú e verbena, e o Grupo M-5 pola noite. O domingo tamén farán dobrete Los Adrianos. Nas dúas xornadas está prevista misa maior e procesión ás 13.30 horas.
Tamén festexan outras localidades de Vilalba e Cospeito; Abadín e Guitiriz; Friol e Castro de Rei; e as vilas de Riotorto, Begonte e Muras.
