Illán celebrará as festas na honra de Santiago Apóstolo os días 24, 25 e 26 de xullo
A localidade de Illán acollerá entre os días 24 e 26 de xullo de 2025 as súas tradicionais festas patronais en honra a Santiago Apóstolo, cun programa cheo de música, gastronomía e actividades para todas as idades.
O xoves 24, as festas arrancarán cunha gran churrascada a partir das 21:30 h, seguida dunha gran verbena nocturna amenizada polo Dúo Venus, que traerá o mellor ambiente musical á noite de apertura.
O venres 25 será unha xornada intensa, cunha sesión vermú e verbena a cargo da Orquestra Pontevedra. Tamén terá lugar a misa solemne e procesión, actos centrais das celebracións relixiosas. Xa pola tarde, a partir das 18:00 h, haberá actividades deportivas e recreativas para todos os públicos.
As festas concluirán o sábado 26 cunha nova sesión vermú e verbena, desta volta a cargo do Grupo Antha, que porá o punto final ás celebracións cunha nova noite de festa e baile.