Imparten en Begonte un obradoiro sobre o uso de medicamentos
O Concello de Begonte, en colaboración coa Escola Galega de Saúde, organiza o próximo lun 15 de abril un curso sobre o uso axeitado de medicamentos dirixido a pacientes, familiares, coidadores de persoas dependentes e cidadanía en xeral, con carácter gratuíto.
Os obxectivos do mesmo son promover un uso adecuado dos medicamentos, concienciar á poboación, sobre beneficios e riscos asociados ó uso dos medicamentos, e transmitir a importancia da adherencia ó medicamento.
No curso trataranse os conceptos dos medicamentos, como actúan, contraindicacións, interaccións, efectos secundarios e xenéricos. Tamén falarase da automedicación, dos antibióticos e o seu abuso e a diferenza entre virus e bacterias. Completarase o relatorio coa conservación e preparación dos distintos medicamentos, dos especiais da terceira idade, as pluripatoloxías e polimedicados e a reciclaxe dos medicamentos no Punto Sigre.
O curso será impartido polo docente Enrique del Arco Herrero, licenciado en Farmacia e técnico en Prevención de Riscos.
A inscrición pecharase o 11 de abril.