Imparten en Goiriz unha clase de danju
![danju goiriz portada](https://terrachaxa.com/wp-content/uploads/2022/03/danju-goiriz-portada.jpg)
A asociación de veciños de Goiriz, en colaboración coa asociación galega de taekwondo tradicional celebrará este martes, 8 de marzo, na parroquia vilalbesa unha clase informativa e demostración gratuíta de danju, unha modalidade de ximnasia específica para maiores.
Esta terá lugar na escola habanera de Goiriz, ás 16.00 horas e os interesados en asistir deberán inscribirse previamente no 652 710 392.
O danju, que non traballo no chan, está especialmente dirixido a persoas con problemas vinculados ao aparato locomotor como hernia, osteoporose, problemas na columna, sobrepeso ou dores de xeonllos e brazos.
O danju é unha disciplina evolucionada do método Pilates, deseñada para facela factible a todas as condicións físiccas, independentemente da idade, o estado físico, etc.