Imparten nas Pontes un curso sobre intelixencia artificial
A Aula CEMIT das Pontes acollerá o vindeiro 22 de novembro unha nova acción formativa centrada na Intelixencia Artificial, unha proposta dirixida a todas aquelas persoas interesadas en comprender e experimentar coas tecnoloxías que están a transformar o presente.
O curso, de edición limitada, pretende achegar aos participantes os conceptos básicos da IA, as súas aplicacións prácticas e as posibilidades creativas que ofrece, destacando que “o único límite para a IA é a imaxinación humana”.
A actividade desenvolverase nas instalacións da Aula CEMIT, situada na rúa Rosalía de Castro 28 (Soto Casa Dopeso), en horario de 9:00 a 15:00 horas. As persoas interesadas poden solicitar máis información a través do teléfono 640 813 790 ou no correo electrónico cemit.aspontes@xunta.gal
.