Instalados na praza da Constitución de Vilalba 12 farois LED
O Concello de Vilalba continúa o seu proceso de mellora na iluminación de infraestruturas públicas e vén de concluír a instalación na Praza da Constitución de 12 farois que substitúen aos existentes.
O cambio vén provocado polo deterioro das luminarias e a inexistencia de recambios no mercado para acometer o mantemento das mesmas. “O modelo de luminarias da Praza da Constitución estaba obsoleto e iso provocaba que en caso de avaría fora moi complexo atopar pezas para arranxalas”, explicou a alcaldesa de Vilalba, Marta Rouco.
Estes novos farois permite incrementar o nivel de iluminación desta zona e conseguir un aforro enerxético de arredor do 40%”, apuntou o concelleiro de Infraestruturas Urbanas, Luis Fernández.
Ademais, esta primeira fase de cambio complementarase cunha segunda, no futuro, na que se substituirán os 24 farois restantes, 10 delas na contorna da Praza da Constitución.
“Esta actuación supón un investimento de 16.000 euros con cargo ás arcas municipais e permitirá reducir o gasto enerxético, sumándose a outras actuacións nesta liña como o cambio a luminarias LED no pavillón do CEIP Mato Vizoso, no pavillón do CEIP Insua Bermúdez ou a futura substitución total da iluminación interior da Casa do Concello por tecnoloxía LED”, concluíu a alcaldesa de Vilalba, Marta Rouco.