Instalan sinais luminosos de pasos de peóns no centro de Rábade

Os primeiros están no Campo da Feira, a N-VI ou a avenida do Ferrocarril, entre outros

O Concello de Rábade realizou esta semana varias actuacións para a mellora da seguridade viaria na vila.

Así, colocáronse avisos de pasos de peóns luminosos en diferentes zonas, como o Campo da Feira, a N-VI ou a avenida do Ferrocarril, entre outras.

O obxectivo é o de aumentar a seguridade dos peóns que circulan por estas vías, en especial de noite, cando a visibilidade é menor.