Loboso, na Pastoriza, está de festa a fin de semana
A parroquia de Loboso, no concello da Pastoriza, celebrará as súas festas en honra a San Andrés os días 26 e 27 de outubro de 2024 cun amplo programa de actividades para todos os públicos. O sábado 26, os festexos comezarán cunha misa ás 13:30 horas seguida dunha procesión e dunha animada sesión vermú a cargo do Grupo Fénix. Pola noite, terá lugar unha gran verbena coa actuación destacada deste mesmo grupo e o espectáculo de Judith Cundins. Durante a verbena sortearanse 200 euros entre os asistentes.
O domingo 27 continuará a celebración con outra misa ás 13:30 horas e procesión. A sesión vermú estará amenizada polo Grupo Venus, que tamén protagonizará a verbena nocturna. Ademais, os máis pequenos poderán gozar dunha colchoneta gratis e haberá unha carpa cuberta para asegurar a festa, independentemente das condicións meteorolóxicas.