Lori Meyers, primeira confirmación do FIV 2018
Despois da espectacular décima edición celebrada o pasado ano, o FIV 2018 chega coa difícil tarefa de superarse. Para iso está a elaborar un cartel repleto de artistas consagrados que se irán desvelando nos sucesivos días. A cita será novamente os días 27 e 28 de abril en Vilalba e anuncia xa a un dos grupos máis desexados nos escenarios dos festivais, Lori Meyers.
Catro anos tardaron Lori Meyers en volver ofrecernos un novo álbum. En maio deste ano a luz "Na espiral", o último disco de estudo dos granadinos. Un traballo cheo de expectación por parte dos seus seguidores que arden en desexos de volver ver á banda encima dos escenarios. "Evolución" foi o single de presentación que nos introduciu no álbum. Unha canción que titula o concepto xeral deste último proxecto, que marca a liña para seguir, xa que queda patente unha clara evolución dentro da banda tanto a nivel persoal como a nivel musical, lonxe da estrutura pechada das cancións anteriores.
Tras unha pequena serie de concertos de presentación na primavera e un verán onde non pararon de tocar nos festivais máis importantes do territorio nacional, seguen ao pé do canón para saciar as ganas de directo interpretando as cancións deste último disco, pero tamén todas esas que xa forman parte dunha xeración.
Lori Meyers é só a primeira das moitas confirmacións que quedan por desvelar.
As tres primeiras ofertas de abonos voaron en cuestión de minutos; pero aínda se pode conseguir o abaono para ambos días por 21 euros máis gastos de xestión ata o 12 de decembro ou ata esgotar existencias a través das canles oficiais: www.fivdevilalba.com ou www.ticketea.com.