Los Planetas encabeza o cartel do FIV 2019, ao que se suman tres bandas máis
O FIV de Vilalba 2019, que se celebrará na capital da Chaira os días 26 e 27 de abril, contará como banda principal do seu cartel a Los Planetas, a banda granadina que se subirá por primeira vez ao Escenario Mahou vilalbés para facer un repaso dalgúns dos máis grandes himnos da música indie en español.
Los Planetas encabezarán así o cartel da mítica cita musical galega. A banda granadina chegará ao FIV co seu primeiro disco en directo a piques de estrearse, con adianto o 29 de marzo, e inmersa no vórtice de creación do seu novo traballo xunto a Niño de Elche, Fuerza Nueva, do que xa se publicaron algúns adiantos e que verá a luz o 12 de outubro de 2019. A troupe subirase ao Escenario Mahou vilalbés para facer un repaso dalgúns dos seus temas máis coreados, desde o seu primeiro álbum, Super 8 (1994), ata o último, Zona temporalmente autónoma (2017). Á confirmación de Los Planetas súmanse tamén as La Sonrisa de Julia, Sidonie DJs e a Banda de Música de Vilalba.
Con estas novas confirmacións, o FIV de Vilalba 2019 pecha unha programación na que brillan tamén nomes como os de Iván Ferreiro, Dorian, La M.O.D.A., Miss Caffeina, Depedro, Siloé, Marem Ladson e Cheese and Bacon DJs. Aínda que os abonos para o FIV de Vilalba 2019 están xa esgotados, nos próximos días anunciarase o cartel concreto para venres e sábado e sairá á venda unha pequena cota de entradas de día que poderán adquirirse a través da páxina web oficial www.fivdevilalba.com. Por terceiro ano consecutivo, Mahou é un dos patrocinadores principais do FIV de Vilalba, completando a oferta de lecer do festival e poñendo de manifesto o seu apoio á música, así como a súa aposta por compartir a paixón, a alma e a proximidade entre os artistas e o público ao desenvolver experiencias únicas que achegan ás persoas aos seus artistas favoritos.
ACTIVIDADES PARALELAS
O FIV de Vilalba é unha cita para todos os públicos que ofrece formación e gastronomía nunha contorna natural e cultural única. Durante as súas últimas dúas edicións, o encontro incorporou ao seu programa exposicións, proxección de películas e unha serie de conferencias abertas ao público sobre temáticas relacionadas coa música, impartidas por grandes profesionais do sector. Desde o IVE cultural á fotografía en festivais, que xeran debates e fomentan o intercambio de ideas e opinións, enriquecendo aos asistentes sobre os diferentes ámbitos da industria cultural.
Nesta undécima edición do festival, o FIV programou dúas charlas: unha delas a cargo do xornalista musical Javier Becerra, baixo o título Grandes historias do pop para xente pequena, co fin de introducir aos nenos no mundo da música e as súas máis grandes figuras a golpe de diversión e sorpresa. Pola súa banda, a Social media Manager Ana Medina conducirá a conferencia Que se esconde detrás dos community managers dun festival?
A fin de semana do FIV proxectaranse as películas 20.000 días na Terra –un filme sobre o músico e icona cultural Nick Cave- e Oasis: Supersonic -unha mirada en profundidade á vida e a música da famosa banda británica. Así mesmo, á cita non faltará tampouco un concerto gratuíto o sábado ao mediodía no Auditorio Carmen Estévez, a modo de plataforma para artistas emerxentes, que conta tamén coa participación da Banda de Música de Vilalba, que será a encargada de abrir a sesión cun divertido recital de versións do mellor pop-rock nacional e internacional.
Este 2019, a exposición do FIV estará tamén protagonizada pola Banda de Música de Vilalba. A mostra asomarase á historia da formación desde as súas orixes ata a actualidade a través dunha completa colección de fotografías. En Vilalba creamos un lugar de encontro, onde diferentes xeracións viven o FIV como unha experiencia compartida entre amigos, pais e fillos, etc. Todos teñen cabida nun encontro aberto que ofrece moito máis que unha sucesión de concertos. É o que chamamos a “experiencia FIV”, nunha contorna idílico formado polas praderías da Terra Chá, con carreiros cincelados por ríos e praias fluviais e paisaxes configuradas polas montañas de O Xistral e miradoiros como o de Monseivane, que fan de Vilalba un pequeno paraíso dentro do territorio galego. Á fronte do patrimonio cultural atópase o Parador de Vilalba, coa Torre dos Andrade, do século XI, como xoia da coroa. Vilalba posúe, ademais, unha gastronomía moi persoal. O polbo, o capón ou o queixo de San Simón fan as delicias de todos os que se animan a degustar as veleidades culinarias da rexión.
O FIV de Vilalba nace en agosto de 2008 da man da Comisión das Festas Patronais de San Ramón e Santa María. En 2009, o Concello de Vilalba faise cargo da súa organización, coa clara intención de darlle ás a un evento duradeiro que se converta na marca nova de Vilalba e que da coñecer o municipio, principalmente, entre a xente menor de 40 anos. Nas súas 11 edicións pasadas, o festival -que conta cunha zona de acampada de máis de 15.000 m2- mantivo unha liña ascendente, cun público cuxo número ascende a preto de 60.000 persoas, co cartel de entradas e abonos esgotados nos seus tres últimos anos.
O FIV é un festival de pequeno-mediano formato, que creceu dunha maneira sustentable no tempo, que coida ao máximo a calidade técnica e humana, tanto diante como detrás do escenario, e converteuse así nunha cita de carácter único, cun concepto especial e unha relación de calidade artística e público insuperable. A fin de semana de primavera no que se celebra o FIV, Vilalba recibe a visita de 8.000 persoas (na zona urbana viven unhas 6.500). Ao longo da súa historia, polos escenarios do FIV -que se atopan en pleno centro do centro urbano- pasaron algúns dos mellores grupos da escena actual española, que copan as cabezas de cartel dos grandes festivais, como Izal, Love of Lesbian, Lori Meyers, Amaral, Iván Ferreiro ou Sidonie, e tamén artistas internacionais da talla de The Gift, Rinôçerôse, etc.
![fiv2019](https://terrachaxa.com/wp-content/uploads/thumbs/2019/03/fiv2019-200x149.jpg)