Magosto este domingo en Árbol organizado polo colectivo cultural
TerraChaXa
A Asociación cultural e deportiva de Árbol organiza este domingo, 31 de outubro, a oitava edición do seu tradicional magosto.
29 Out 2021
A Asociación cultural e deportiva de Árbol organiza este domingo, 31 de outubro, a oitava edición do seu tradicional magosto.
Será a partir das 16.30 horas na Escola do Santo. Aproveitarase a ocasión para celebrar a asemblea extraordinaria do colectivo, ás 17.00 horas, na que se tratará a renovación de cotas.
No magosto, que se alongará toda a tarde, haberá castañas asadas e viño. O grupo Cerna será o encargado de amenizar a tarde, na que será obrigado o uso de máscara.
