Mans Unidas Vilalba inicia esta fin de semana a súa campaña contra a fame
O obxectivo é recadar fondos para un proxecto que teñen en marcha en Maritania de atención materno infantil e apoio a vítimas da violencia de xénero.
A sección comarcal de Mans Unidas de Vilalba arranca esta fin de semana contra a campaña contra a fame, na que se recadarán fondos para un novo proxecto que a entidade ten en Mauritania, e que consisten na atención materno infantil e apoio ás mulleres vítimas de violencia de xénero en dous dos barrios desta localidade africana.
Así, este domingo, baixo o lema El efecto del ser humano, será o día da recadación de donativos nas parroquias vilalbesas. Ademais, este ano insistirán na concienciación na loita contra o cambio climático e nas repercusións que este ten nas desigualdades existentes no planeta.
Durante as dúas xornadas da fin de semana presentarase nos oficios relixiosos nas distintas parroquias esta campaña, que irá acompañada dun manifesto.
O proxecto que emprende este ano Mans Unidas beneficiará a un total de 290 persoas, 250 das cales son mulleres embarazadas ou lactantes que recibirán coidados para reducir o índice de mortalidade.