Mariz celebra as festas na honra a San Bartolomeu este domingo e luns
A parroquia de Mariz, en Guitiriz, acollerá este domingo e luns as súas tradicionais festas na honra a San Bartolomeu. O programa festivo arrincará cunha sesión vermú amenizada polo Grupo Máster. Xa pola noite, a verbena contará coa dobre actuación do Grupo Máster e do Grupo Beatriz, garantindo unha velada de música e baile.
O luns 25, día grande da celebración, será a quenda do Grupo Jaque, encargado tanto da sesión vermú como da verbena nocturna, na que compartirán escenario coa popular orquestra Panorama City, un dos pratos fortes destas festas.
O cartel festivo, promovido pola comisión de festas de Mariz coa colaboración de numerosos establecementos e empresas da zona, promete dous días de animación continua, convertendo á parroquia guitiricense nun punto de encontro para veciños e visitantes.