Markytos e Carabullo fixéronse os amos en Muimenta
Por Daniel Rodríguez Saavedra
No campo de fútbol O Pichón de Muimenta, xuntámonos 68 palanadores para a disputa do XI aberto A Terra non se vende (47 homes, 14 donas e 7 cativos).
Fermoso sábado para a práctica deportiva e co equipo anfitrión en pleno loitando polo seu aberto. Non tivo rival e foi o mellor equipo superando a Billardeiros Musicais e a Troitas Bravas.
En individuais Markytos fixo o terceiro pleno da tempada e acadou a vitoria seguido do infantil Mateu con 24 puntos e de Charli (23 p). Charli, ponse a só un punto de Sachas na xeral e complícalle ao Troita o liderado a falta da xornada de Remourelle do vindeiro 10 de maio.
En Donas, Cris (Castiñeiro Milenario) e Dori e Aroa (Billardeiras Musicais), foron as mellores e nos cativos, Mateu (Madia Leva) segue no máis alto secundado por Antía e Roi (Troitas Bravas).
Os premios foron como sempre exemplares de árbores frutais e por conta de Carlos Alvariño un par de botellas de ron.
A clasificación queda así:
Absoluta:
- 1º Sachas Troitas Bravas 266 p
- 2º Charli Carabullo 265 p.
- 3º Albino Carabullo 238 p
Donas:
- 1ª Alba Troitas Bravas 161 p.
- 2ª Geni Billardeiros Musicais 143 p.
- 3ª Cris Castiñeiro Milenario 131 p.
Infantil:
- 1ª Mateu Madia Leva 221 p.
- 2º Diego Madia Leva 147 p.
- 3ª Mateo Troitas Bravas 137 p.
Equipos:
- 1º Troitas Bravas de A Pontenova 1.025 p.
- 2º Billard. Musicais de Ribadeo 1.008 p.
- 3ª Carabullo de Ponte de Outeiro 941 p
A vindeira xornada e derradeira da tempada xógase en Remourelle o 10. Como é costume, neste caso os grupos se farán segundo a clasificación xeral. O grupo dos primeiros clasificados será o derradeiro en xogar. Billarda sempre e adiante co Varal.