Markytos lévase a navalla no Aberto do Ferro de billarda da Pontenova
Por Daniel Rodríguez Saavedra
Fermosa mañá de domingo, aínda que ventosa, no campo da mina da Pontenova, onde nos xuntamos 81 paladores (56 homes, 15 donas e 10 cativos) para disputar o XIII Aberto do Ferro.
O gañador absoluto da navalla foi Markytos, quen comentou que lle tiña moitas ganas e que finalmente a conseguira. Segundo, o seu compañeiro Basilio e terceiro Collazo, do equipo Foucellas da Coruña.
Alba foi a mellor das donas (nas tres xornadas foi terceira, segunda e hoxe, primeira), e Geni e Pamela acompañárona no podio feminino.
En infantís, Mateu, Diego e Mateo foron os mellores, aínda que tódolos cativos levaron un fermoso agasallo.
En equipos os Billardeiros Musicais gañaron a xornada acortando a só tres puntos a diferenza cos líderes da tempada. Segundo posto para Troitas Bravas e terceiro para Carabullo.
Rematamos a xornada cun inmellorable xantar de irmandade.
As clasificacións quedan así:
Individual:
- Sachas (Troitas Bravas) 63 p.
- Félix (Billardeiros Musicais) 60 p.
- Basilio-Daniel (Billardeiros Musicais) 56 p.
Donas:
- Alba (Troitas Bravas) 46 p.
- Irea (Carabullo) 36 p.
- Pamela (Troitas Bravas) 35 p.
Equipos:
- Troitas Bravas (A Pontenova 232 p.
- Billardeiros Musicais (Ribadeo) 229 p.
- Carabullo (Ponte Outeiro) 217 p.
Infantís
- Diego (Madia Leva) 49 p.
- Mateu (Madia Leva) 48 p.
- Mateo (Troitas Bravas) 18 p.
Vémonos en Penas da Roda o domingo 17 de novembro.