Meira acolle a presentación do libro 'Entre Nós e o Eo'

Será o venres, ás 12.00 horas no local do Centro

Este venres, 6 de decembro, ás 12:00 horas da mañá, terá lugar no local do Centro de Meira a presentación do libro Entre Nós e o Eo, escrito por Beatriz Pin e Antón Cando.

Este evento contará cunha intervención especial titulada Meira, da man do Miño e o Eo, que nos achegará á esencia do territorio a través das palabras e a música. A xornada estará amenizada coa actuación musical de Tania, Paloma e Mero, nun ambiente que promete emoción e cultura.

A actividade está patrocinada polo Concello de Meira, que anima a todos os veciños e veciñas a participar nesta celebración da literatura e a música.