Meira continúa co ciclo de proxeccións de cine dos mércores de verán
![onde mais doe cine en meira portada](https://terrachaxa.com/wp-content/uploads/2023/08/onde-mais-doe-cine-en-meira-portada.jpg)
Este mércores, 23 de agosto, continúa en Meira un Ciclo de cinema Ciclo Mestre Mateo. Está organizado pola Academia Galega do Audiovisual e máis a Deputación de Lugo.
A Asociación cultural M de Meira, xunto co Concello de Meira, colaboran poñendo os medios para que se poida ver no concello e seguirán as proxección mañá co filme Onde máis doe, documental dirixido por Manane Rodríguez onde se presenta a Marco M que, asasina a golpes de pa ao seu fillo de 11 anos, despois de ameazar durante anos á súa exparella.
Un ano despois un xurado popular condénao por asasinato, matar facendo uso pleno das súas facultades, e determina que o crime contra o neno non buscaba outra cousa que castigar á nai. No feito no que nos baseamos concorren a violencia, o acoso, o asasinato dun neno para danar á nai e a ameaza de morte que aínda pende sobre a muller.
Este filme foi nominado ao Mestre Mateo ao Mellor Documental.
As proxeccións, que son ás 22.00 horas na casa da cultura baixo o título Mércores de Cine, continuarán o próximo mércores na localidade.
![onde mais doe cine en meira](https://terrachaxa.com/wp-content/uploads/thumbs/2023/08/onde-mais-doe-cine-en-meira-200x294.jpg)