Meira inicia mañá un ciclo de proxeccións de cine os mércores de verán
![CINE MEIRA MARIA CASARES PORTADA](https://terrachaxa.com/wp-content/uploads/2023/07/CINE-MEIRA-MARIA-CASARES-PORTADA.jpg)
Este mércores, 19 de xullo, comeza en Meira un Ciclo de cinema Ciclo Mestre Mateo. Está organizado pola Academia Galega do Audiovisual e máis a Deputación de Lugo.
A Asociación cultural M de Meira, xunto co Concello de Meira, colaboran poñendo os medios para que se poida ver no concello e comezarán as proxección mañá co filme María Casares: a muller que vivíu mil vidas que conta a vida desta enorme actriz de cinema e teatro.
María Casares: A muller que viviu mil vidas propón unha aproximación íntima e profunda á vida desta muller extraordinaria; unha homenaxe desde a súa Galicia natal, á que nunca esqueceu, no primeiro centenario do o seu nacemento, a unha figura cegadora, magnética e fundamental nas artes escénicas da Europa do século XX.
As proxeccións, que serán ás 22.00 horas na casa da cultura baixo o título Mércores de Cine, continuarán o próximo mércores na localidade.
![CINE MEIRA MARIA CASARES](https://terrachaxa.com/wp-content/uploads/thumbs/2023/07/CINE-MEIRA-MARIA-CASARES-200x282.jpg)