Mero gaña o certame de poesía do Belén de Begonte
Reunido o xurado do XLV Certame Nacional de Poesía de Nadal, convocado polo Centro cultural José Domínguez Guizán de Begonte, acordou conceder o primeiro premio, dotado con 600 euros e estatuíña de Sargadelos ao poema En Begonte, un día... do que resultou ser autor Baldomero Iglesias Dobarrio, Mero, residente en Xanceda-Mesia, A Coruña.
O segundo premio, dotado con 300 euros e estatuíña de Sargadelos foi para o poema Perdido na néboa, peresentado co lema Zanfoneiro, por Carlos López Fernández, de Vilalba.
Pola calidade dos traballos presentados, acordouse conceder cadansúa mención de honra, dotada con estatuiña de Sargadelos aos poemas:
Ano Cero en Belén, presentado por Rafa Villar, residente en Bertamiráns-Ames (A Coruña) e Un Nadal sen pandemias, orixinal de Martiño Maseda Lozano, de Xoibán-Vilalba.