Mestura de Nete dedica este sábado o seu festival solidario a Alucem
A asociación de veciños de Nete organiza o seu tradicional festival benéfico co que pretende recadar fondos este ano a favor de Alucem, Asociación Esclerose Múltiple de Lugo.
Dito festival terá lugar o día 25 de maio, ás 20.30 horas, no auditorio Carmen Estévez de Vilalba con un prezo de entrada de cinco euros por persoa. Estes cartos irán destinados integramente ao colectivo Alucem.
Os interesados en comprar as entradas previamente poden facelo xa na Casa da Cultura e aos membros da asociación veciñal, ademai de negocios como Foto Purriños, Foto Amador, As Nubes Moda, Minds, Perruquería Celia e Seguros Loli Dorado; en Cospeito na Perruquería Goyla e en Lugo en Máquinas de coser Eladio Bello.
O festival contará coa actuación de Mestura de Nete e contará co sorteo de agasallos, un par de zocos de home, un de muller, 3 baleirapetos e 8 pares de calcetins.
Para os que non poidan asistir pero queiran colaborar terán entradas de Fila cero.