Modesto Renda reúnese cos veciños de Distriz para recoller demandas e propostas de mellora
TerraChaXa
Convoca á veciñanza este venres para dialogar sobre actuacións no barrio
9 Oct 2025
O responsable de Infraestruturas Rurais de Vilalba, Modesto Renda, convoca aos veciños e veciñas de Distriz a unha reunión que terá lugar na Casa da Cultura este venres, 10 de outubro, ás 20:30 horas. O obxectivo do encontro é explicar as posibles actuacións que o Concello prevé levar a cabo e abrir un espazo de diálogo para recoller as demandas e suxestións da comunidade.
Este encontro forma parte da iniciativa "Rúa por rúa", unha serie de reunións impulsadas pola Vicealcaldía para gobernar escoitando as necesidades reais de cada zona de Vilalba.