Momán comeza as festas cunha degustación de liscos e chourizos
![festasmoman_portada](https://terrachaxa.com/wp-content/uploads/2018/07/festasmoman_portada.jpg)
Momán festexará a San Mamede e San Bartolomé nas súas festas patronais, que se desenvolverán entre o 17 e o 19 de agosto.
O programa arrincará o venres cunha degustación gratuíta de liscos e chourizos "ata fartar" como di a asociación, todo elo amenizado polo Dúo Venus.
O sábado contará con pasarrúas a cargo da Charanga CDV Band, que dará paso ás 13.30 á misa, que estará cantada polo Coro Uned Sénior de Momán. Como non podería ser outro xeito, haberá sesión vermú, que estará ao cargo do grupo Tribal, o mesmo grupo que se ocupará da verbena xunto con Charleston Big Band.
Durante a tarde do sábado haberá tamén competicións deportivas e unha gran sesión de pirotecnia.
O domingo, a misa, ás 13.30, volverá contar co Coro Uned Sénior de Momán, á que seguirá a sesión vermú coa música de Abanico, orquestra que tamén se ocupará da verbena de peche das festas.
![festasmoman](https://terrachaxa.com/wp-content/uploads/thumbs/2018/07/festasmoman-200x267.jpg)