Mondoñedo acolle en decembro as XIII Xornadas Abrindo Camiño 2020
O Concello de Mondoñedo acolle en decembro as XIII Xornadas Abrindo Camiño 2020 que serán no auditorio Pascual Veiga.
Comezarán o sábado 5 ás 19 horas coa presentación, coloquio e agasallo aos asistentes do Caderno-xonral Mondoñedo na memoria e despois un concerto a cargo de Louband Street que dará comezo ás 19.45 horas..
O domingo 6 ás 18 horas no pazo de Santomé será a clausurá da mostra fotográfica de Josequín Miláns del Bosch e escultórica de Juan Puchades, Pedro Díaz, Lola Tourón e Alberto Geada. Tamén será a presentación e proxección do documental O latexo do tempo humano. Tres pezas, tres artesáns, realizado por Illa Bufarda, contará con acompañamento musical do palleteiro Rubén Carrera e Ron Arenas.
O martes 8 ás 19 horas presentaranse os libros No Baleiro dunha Soidade e Unha viaxe polo Camiño do Norte que nos leva a Compostela, obras de Mero Iglesias Dobarrio. E máis tarde, ás 19.45 horas será o concerto de A Quenlla.