Mosteiro acollerá un espectáculo infantil de títeres o 26
O domingo 26 ás 17.30 horas no centro sociocultural de Mosteiro, os máis pequenos poderán desfrutar da obra de teatro Saga de Flin Havardr.
Esta representación está a cargo de Trécola Producións e está dirixida aos máis cativos e unha obra de autoría propia, con marionetas de fío e música en directo con Pablo Pintor.
Baixo a dirección de Isabel Rey e Marcelino de Santiago “Kukas”, esta obra de montaxe propia conta a historia de Flin Havardr, un pastor que tras vislumbrar nun sono as súas proezas como vikingo, emprende unha viaxe inesperada acompañado por unha tripulación canto menos peculiar, na que non abunda a fortaleza nin a valentía, mais sí a creatividade. A morriña dun dos seus tripulantes fará que cheguen á mellor de todas as terras, quedando por ver se conquistarán ou serán conquistados.
A entrada será de balde ata completar o aforo polo que invitan a todos a asistir a este evento.
