Deportes

Os Troitas Bravas Billarda acadaron o seu primeiro título Nacional e Marcos Rodriguez Rodriguez, Markytos foi o campión de varados

Por Daniel Rodríguez Saavedra.

A cuarta  xornada da LNB Norleste disputouse o sábado 25 no campo Viñas da Veiga de Mondoñedo, ca disputa do XII Aberto da Tarta con 74 palanadores en xogo (48 homes, 15 donas e 11 cativos), nun campo brando, aínda que practicable ao que non todos os palanadores se deron axeitado e que xerou puntuacións mais ben cativeiras.

A gran sensación foi Cris de Castiñeiro Milenario, que confirma o seu bo estado de forma acadando un meritorio segundo posto logo de estar a piques de gañar o desempate co curtido veterano Sachas de Troitas Bravas, ámbolos dous acadaron 24 sobre 25 puntos posibles na fase de grupos. Terceiro no podio foi Basilio de Billardeiros Musicais.

Xa que logo Cris gañou a súa categoría e ca gran puntuación de hoxe sube o primeiro posto da xeral de donas seguida das billardeiras Musicais Aroa e Geni tanto na xornada de hoxe como na xeral.

En infantis, Mateu de Madia Leva, Antía e Martin Sandonguero os dous de Troitas Bravas, ocuparon o podio. Por primeira volta esta tempada, o gran Diego de Madia Leva queda fora dos tres primeiros. Hoxe non tivo o día.

O equipo de Carabullo presentou varias altas no equipo que lle permitiron acadar o segundo posto con un punto menos que os gañadores Troitas Bravas, pola contra os Billardeiros Musicais con notables baixas, aguantaron  o tipo, sendo terceiro pos so un punto de diferencia , o que lles permite seguir o fronte da xera.

Gustaron da tarta de Mondoñedo os tres primeiros clasificados e mais o equipo gañador.

A vindeira cita será o domingo 18 de decembro en Ribadeo.

Clasificación

Individual:

Charli (Carabullo)       85 p.

Basilio (Bill.Musicais)  84 p.

Cortón (Billarda Miño) 82 p.

Donas:

Cris (Cstiñeiro Milenario) 59 p

Geni (Bill.Musicais)         50 p

Aroa (Bill.Musicais)         39 p

Infantil:

Mateu (Madia Leva)        58 p

Diego (Madia Leva)         57 p

Alba (Troitas Bravas)       25 p.

Equipos:

Billardeiros Musicais              321 p

Troitas Bravas,  A Pontenova 317 p

Carabullo,  Pote de Outeito    293 p

Varados:

Moras (Madia Leva)                   1 Varado

Sandonguero (Troitas Bravas    1 varado