Muras acolle reunións veciñais para falar da problemática do lobo
TerraChaXa
Os próximos días 10 e 11 de marzo terán lugar unha serie de xuntanzas para abordar problemas no rural, entre eles o dos ataques do lobo.
![lobo 1](https://terrachaxa.com/wp-content/uploads/2021/08/lobo-1.jpg)
28 Feb 2022
Os próximos días 10 e 11 de marzo en distintos locais do Concello de Muras e a distintas horas, terán lugar unha serie de xuntanzas para abordar diferentes problemas no rural, entre eles o dos ataques do lobo.
Asitirán a estas reunións profesionais da empresa lucense Innogando, que explicarán distintas opcións para amosar solucións GPS, ademais de falar dos servizos agropecuarios de Muras e da PAC 2022-25, así como de diversos cursos de Medio Rural que se farán este 2022.
Así, están citados o día 10, ás 17.00 horas na escola da Balsa e ás 18.30 no local social de Muras. Ao día seguinte estarán ás 17.00 horas a escola de Silán e ás 18.30 horas a do Viveiró.
Esta variedade horaria disponse así para facilitar aos veciños a asistencia.