Muras celebra un obradoiro gratuíto de relaxación e xestión do estrés

A actividade está impulsada polo Concello en colaboración con Afalu Alzheimer e coa Consellería de Política Social

O Concello de Muras organiza este mes de novembro un obradoiro de relaxación e xestión do estrés dirixido á veciñanza, co obxectivo de ofrecer pautas prácticas para mellorar o benestar emocional. As sesións, de media hora de duración, terán lugar na Casa do Médico os venres 21 e 28 de novembro en horario de 16:30 a 17:00.

A actividade está impulsada polo Concello de Muras en colaboración con Afalu Alzheimer e coa Consellería de Política Social. As persoas participantes recibirán indicacións sinxelas e útiles para aprender a controlar a tensión diaria e afrontar mellor situacións de estrés.

A inscrición é gratuíta e para obter máis información pódese chamar ao teléfono 982 500 001.