Muras habilitará de novo este mes un cargadoiro para a venda de poldros
Despois do éxito da xornada inicial, o Concello de Muras, en colaboración coa Asociación de Criadores de Gando Equino ACGEMA, habilitará de novo un cargadoiro no recinto habitual da Feira do Poldro na Gañidoira o vindeiro 27 de abril, en horario de mañá. Esta iniciativa enmárcase dentro do programa municipal da Marca Muras e permitirá aos veciños interesados vender os seus poldros para recría a esta asociación.
Desde a organización lémbrase que todos os animais deberán estar identificados e contar coa documentación regulamentaria correspondente. Para calquera dúbida ou para evitar problemas de loxística, os interesados poden contactar co teléfono 629 678 033.
Na primeira experiencia, que tivo lugar no mes de marzo, un total de 32 poldros foron cargados e enviados a Navarra nunha iniciativa pioneira no termo municipal. Participaron gandeiros non só de Muras, senón tamén doutras zonas como próximas.