Muras prepárase para unha nova edición da Feira do Mel de Montaña
![wNs_leKqF bu4xEm_OtyZ9hslkCVplaKNQ4Mz16ccbWy8aUd lNYxV0Qh uVYEk1rSvTPuEs2WhH_Rc93UXjVzF5gGrHv daeAevPgeiJgmp8_JQjEFb4qGNoESLays7pm0SdtDDBTE6RTuYPZUmXKTurqFpTdfSnWw=s0 d e1 ft](https://terrachaxa.com/wp-content/uploads/2019/09/wNs_leKqF-bu4xEm_OtyZ9hslkCVplaKNQ4Mz16ccbWy8aUd-lNYxV0Qh-uVYEk1rSvTPuEs2WhH_Rc93UXjVzF5gGrHv-daeAevPgeiJgmp8_JQjEFb4qGNoESLays7pm0SdtDDBTE6RTuYPZUmXKTurqFpTdfSnWws0-d-e1-ft.jpg)
Un ano máis, Muras acollerá a Feira do Mel de Montaña , que chega á súa V edición organizada polo concello, que presenta novas sorpresas cun programa ampliado á totalidade das dúas xornadas nas que se celebra, o 17 e o 18 de novembro, a primeira técnica e a segunda de feira.
O programa dará comenzo o sábado ás 8:00 horas cunha saída micolóxica para a identificación das setas da contorna e a súa posterior clasificación a cargo do especialista José Manuel Castro Marcote, presidente da Asociación Micolóxiga Pan de Raposo da Costa da Morte.
Nesta primeira xornada, con carácter técnico e formativo, a programación seguirá cun concurso de calidade do mel que se desenvolverá no restaurante Picapan Casa Vituco, que precederá a un relatorio a cargo de Carlos Martín Barcáiztegui, veterinario da Asocaición de Apicultores de Asturias. Este especialista centraase na profesionalización da apicultura e o control sanitario das explotacións.
Ás 20.15 horas inaugurarase a exposición de setas, que precederá a unha degustación gratuíta de lacón e queixos. Finalizará esta primeira xornada coa actuación musical do dúo Estrelas.
O domingo a xornada comenza ás 10.30 horas coa apertura dos postos da feira do mel e da exposición de setas e pinchado de sidra do Museo da Sidra de Nava.
En torno ás 12:00h haberá un obradoiro para nenos de pan con mel que dará paso á mostra de xantares e degustación a cargo do chef Antonio Díaz.
Durante o xantar está prevista a actuación de Rocío Varela. Á tarde continuará con outro obradoiro de cociña para nenos e a entrega de premios do concurso do mel poñerá o broche final a esta feira que conta coa colaboración da Deputación de Lugo e da Casa do mel de Goente.
![Captura de pantalla 2019 09 10 a las 13.41.57](https://terrachaxa.com/wp-content/uploads/thumbs/2019/09/Captura-de-pantalla-2019-09-10-a-las-13.41.57-e1568115744933-200x196.png)