Muras substitúe a Feria do Mel por unha cata
![coolt](https://terrachaxa.com/wp-content/uploads/2017/11/coolt.jpg)
Debido á actual situación sanitaria, o Concello de Muras decidiu suspender este ano a tradicional Feira do Mel de Montaña, que alcanzaría a súa sexta edición en O Viveiró. Deste xeito, a organización iguala a decisión que se repetiu en citas anteriores.
Malia esta suspensión, manterá a cata de meles, que celebrará a súa cuarta convocatoria o sábado 14 e sempre seguindo todos protocolos sanitarios covid-19.
A cata contará con dous galardóns, ao mellor mel de montaña e ao mellor mel monofloral de breixo, e está aberta a todos aqueles apicultores que teñan explotacións apícolas no municipio de Muras. Poderán presentar as súas mostras (un bote dun quilo de mel sen ningunha etiqueta) ata o xoves 5 na Casa do Mel de Goente, nas Pontes.
Haberá dous galardóns: Mellor mel de Montaña, e Mellor Mel Monofloral de Breixo e presidirá a cata Cristina Rodríguez Sanmartín; e actuará como secretaria Isabel Goti Caaveiro.
As bases establecen que se aceptará un máximo de 15 mostras, recollidas por rigorosa orde de entrega. Ademais, está prevista a celebración dun curso de micoloxía con José Luis Cuba e un taller de cociña a cargo de Antonio Díaz durante esa fin de semana.