Muras substituirá 74 molinos eólicos por 11 de nova xeración
O sector eólico galego prepárase para repotenciar nove parques eólicos que alcanzaron o final da súa vida útil. Así o anunciou o presidente da Xunta, Alfonso Rueda, tras a reunión semanal do seu gabinete. Con esta acción, os actuais 361 aeroxeradores instalados nestas explotacións quedarán reducidos a 75, sen que iso supoña unha perda na produción enerxética.
Segundo explicou Rueda, a xeración destas instalacións aumentará nun 35% grazas ás posibilidades técnicas que ofrecen os novos aeroxeradores, máis avanzados e eficientes que os modelos antigos.
Dos nove proxectos de repotenciación, todos contan xa coa declaración de impacto ambiental favorable, e catro deles foron autorizados. A Xunta prevé que as actuacións nestes parques comecen “de inmediato”. Os outros cinco proxectos están pendentes de completar algúns trámites administrativos.
Entre as instalacións que serán repotenciadas destaca o de Muras, onde as actuais 74 turbinas (47,3 MW) serán substituídas por 11. Tambián haberá cambios no parque Castelo, situado en Coristanco e Tordoia, que reducirá os seus muíños de 25 a 3, mantendo unha potencia de 16,5 MW. No parque Coriscada, en Ortigueira e Mañón, a cifra de aeroxeradores pasará de 40 a 4 para unha potencia de 24 MW. En Monte Redondo, en Vimianzo, reduciranse os muíños de 66 a 12, mantendo unha potencia de 49,5 MW. En o parque Novo, situado en Valdoviño e Narón, evolucionará de 25 a 6 aeroxeradores, cunha potencia de 18,75 MW.
Desde 2016, cinco explotacións xa modernizaron a súa tecnoloxía, reducindo o número de aeroxeradores. O primeiro proxecto levou a cabo en Cabo Vilán, onde se substituíron 22 muíños dos anos 90 por só dous aeroxeradores de maior potencia.
Nesta nova etapa, a potencia instalada dos nove parques pasará de 245,6 MW a 246,5 MW, unha variación mínima. Con todo, esta modernización permitirá un aumento significativo da produción eléctrica, que pasará de 615.000 MWh anuais a 828.000 MWh/ano, un incremento do 35%.