Muras: Un dos mellores ecosistemas fluviais
Un roteiro que combina os tres ríos, os montes da Serra do Xistral con cabalos salvaxes e as carballeiras do Viveiró.
Muras conta cun dos mellores ecosistemas fluviais de Europa xa que os rodean tres ríos e arroios cheos de troitas: Landro, Eume e Sor. Ao seu redor ducias de recunchos e camiños coñecidos e por descubrir.
Ademais están rodeados de ríos e montes e gozan de dous espazos naturais protexidos como son a Serra do Xistral no extremo oriental, e as ribeiras do río Sor no sector occidental.
Á paisaxe do Xistral únese a visión de cabalos salvaxes en liberdade da raza de cabalo galego e hispano-bretoa. Nas terras montañosas do Guriscado e a Curruxeira que levan ata Viveiró, a paisaxe vólvese cada vez máis frondosa, con carbalos, castiñeiros e bidueiros. Entre a súa fauna hai aves rapaces como o aguilucho cenizo e o ratoneiro; e mamíferos como o lobo, o xabaril, o raposo e o corzo. Dende o porto A Gañidoira que se atopa a 737 metros, as vistas do macizo amosan os montes da Xestosa, Guriscado, O Chao, Curuxeira, Lebureiro, O Cadramón e Pena do Seixo.
DA VEIGA A CARELLE. No Concello de Muras hai unha preciosa ruta de sendeirismo de 8,5 quilómetros que parte dende a Área recreativa A Veiga ata o complexo da Aldea Etnográfica de Carelle.
O percorrido está sinalizado e conta con paneis con información etnográfica e ambiental da zona.
Subdivídese en tres tramos: A Ruta da Fraga, de dificultade media; a Ruta do Río, tamén de dificultade media; e a Ruta de Carelle, de dificultade media-baixa. Pódese facer seguida (cómpre entre 2,30 e 3 horas) ou ben pódese escoller un dos tramos, cada un duns 3 quilómetros con sinais e paneis de información ambiental e etnográfica.
RUTA DO REGO DOS CORUXOS
Esta é un pouco máis longa que anterior, concretamente de 9,5 quilómetros que pódense facer nunhas tres horas media. De trazado circular retorna ao punto de partida (Igrexa Viveiró) e discorre pola beira do Rego dos Coruxos. Hai tres tramos, sobre asfalto e por camiños e carreiros.
Para crear a ruta limpáronse 1,5 quilómetros de camiños tratando de respectar no máximo posible a contorna. Atoparedes indicadores de madeira nos cruces, indicadores de carreiro lonxitudinalmente á ruta nos treitos non asfaltados e indicadores de situación para informar do punto onde vos atopades.
