O atletismo galego desafía a chuvia e o frío en Rábade
As adversas condicións meteorolóxicas non impediron que o atletismo fose protagonista en Rábade, onde se celebrou unha nova edición do Memorial Eduardo Fernández Villamarín. A chuvia persistente e as baixas temperaturas marcaron unha xornada esixente na que destacaron as actuacións de Jarno Pousada e Estela Díaz, que se alzaron co triunfo nas categorías absolutas masculina e feminina.
Na proba masculina, Pousada confirmou o seu papel de favorito cun ritmo elevado desde os primeiros metros, liderando a carreira e cruzando a liña de meta en solitario tras completar os sete quilómetros do percorrido. Tras el, a loita polas restantes posicións do podio mantívose aberta ata o final, con Gustavo Santiago e Pablo Otero completando os postos de honra.
Na competición feminina, Estela Díaz asinou unha actuación sólida que lle permitiu facerse coa vitoria tras unha carreira moi disputada. A atleta impúxose nun final axustado, por diante de María Porteiro, mentres que Lara Castro acadou a terceira praza, pechando un podio de alto nivel.
As probas das categorías inferiores volveron demostrar o bo momento do atletismo de base. Na categoría C, para atletas nados entre 2010 e 2013, o triunfo foi para Álvaro García, acompañado no podio por Hugo Pita, segundo clasificado, e Mateo Díaz, terceiro. En categoría feminina desta mesma franxa de idade impúxose Alba Porto, seguida por Claudia Morán, mentres que Ariadna Rodríguez foi terceira.
Na categoría B, correspondente aos nados entre 2014 e 2017, Anne Porto acadou a vitoria mentres que Claudia Varela conseguiu o segundo posto en féminas, e Lía Maira subiu ao terceiro chanzo do podio. Manuel Fernández foi o primeiro na masculina, seguido de Arai Gallardo e Daniel Fernández.
Pola súa banda, na categoría A, para os máis pequenos, nados entre 2018 e 2021, Aldán Vázquez proclamouse vencedor, con Teo García e Bruno Marqués acompañándoo no podio masculino. En categoría feminina, Sofía Maria foi a gañadora, Lara Fontao foi segunda e Uxía Lage pechou o podio cun terceiro posto.