O Bispado cede a titularidade do edificio do belén de Begonte ao centro cultural José Domínguez Guizán

A cesión efectúase este venres co fin de apoiar a continuidade e potenciación do belén

Mural de Diego As no lateral do edificio

O Bispado de Mondoñedo-Ferrol, titular da edificación que alberga o belén electrónico de Begonte, vai cedela ao Centro cultural José Domínguez Guizán, impulsor do Nadal en Begonte, no que o Belén é o máis singular elemento.

A cesión efectúase co fin de apoiar a continuidade e potenciación do belén, estando condicionada a que a actividade que no edificio se desenvolva estea, en todo ou en parte, vinculada co belén begontés.

O documento oficial de cesión será asinado o este venres, 2 de setembro, ás 10.00 horas, diante do notario de Vilalba Jesús Basanta Barro, polo ecónomo da Diócese, Xoán Xosé Fernández, e o presidente do Centro cultural José Domínguez Guizán, Xulio Xiz.