O Buriz prepárase para a gran festa da Burizada 2025 deste sábado
O sábado 15 de marzo, o Campo da Festa do Buriz converterase no epicentro da celebración coa Burizada 2025, un evento que promete festa, boa comida e moita diversión para todas as idades.
A xornada arrancará coa sesión vermú a partir das 13:30 horas, amenizada con música e ambiente festivo. A continuación, servirase un completo menú composto por callos, costela asada, patacas, ensalada, sobremesa, café e licores. Os prezos para asistir á comida serán de 30 euros para os adultos, 15 euros para os nenos de 7 a 11 anos, e os menores de 6 anos poderán asistir de balde.
Durante a comida haberá sorteos e xogos, mentres que pola tarde será a ver do bingo e unha zona con inchables para que os máis pequenos tamén gocen da festa.
Xa pola noite, a celebración continuará cunha gran cea de chourizos e liscos "a fartar", asegurando que ninguén quede con fame.
O evento contará cunha carpa pechada con calefacción, e a música correrá a cargo do DJ Magick, que poñerá ritmo á festa ata altas horas.
As entradas poden retirarse ata o 12 de marzo nos puntos habituais, como a Taberna do Buriz e o Merendero, ou contactando con Toni (636 903 898), Jesús (626 09 875) ou Álex (606 169 816).