O Castro de Viladonga acolle un novo curso de tecido na antigüidade
![obradoiro tecido antiguidade castro portada](https://terrachaxa.com/wp-content/uploads/2023/10/obradoiro-tecido-antiguidade-castro-portada.jpg)
O Museo do Castro de Viladonga acollerá o sábado 7 de outubro un obradoiro co título O tecido na antigüidade.
O obradoiro, conducido pola artesá téxtil, Miriam Fernández Otero, levarase a cabo en xornada de mañá e tarde, de 11.00 a 14.00 e de 16.00 a 20.00, dentro das dependencias do museo.
Miriam Fernández Otero está graduada en Historia da Arte cun máster en Servizos Culturais e con formación en distintas técnicas téxtiles que a ten levado a investigar os materiais e as técnicas de tecido no mundo antigo así como o tinguido de fibras téxtiles.
No taller abordarase o funcionamento dos teares verticais e o tinguido de fibras vexetais na antigüidade.
A inscrición xa está aberta e esta pode realizarse no teléfono 982 870 160. Terán preferencia aquelas persoas que non o tiveran feito nos dous últimos anos.
![obradoiro tecido antiguidade castro](https://terrachaxa.com/wp-content/uploads/thumbs/2023/10/obradoiro-tecido-antiguidade-castro-200x192.jpg)